Ubiquiti UniFi U7 Mesh (U7-Mesh) – WiFi 7 access punktur fyrir inni og úti

UniFi U7 Mesh er arftaki hins vinsæla U6 Mesh og færir WiFi 7 í sama granna og fjölhæfa formið. Hann hentar jafnt innandyra sem utandyra, nær yfir allt að 140 m² og ræður við yfir 200 tengd tæki samtímis. Endurhannað loftnetakerfi sameinar hefðbundna dreifingu í allar áttir og langdrægt stefnuvirkt loftnet, sem gerir hann sérlega hentugan til að tengjast öðrum UniFi access punktum þráðlaust (mesh) – t.d. út í garð, á pallinn, í bílskúrinn eða milli bygginga.

Access punkturinn er knúinn með PoE og spennugjafi fylgir, ásamt vegg-, staur- og borðfestingu. Hann tengist netinu um 2,5 GbE tengi, er IPX6 vatnsvarinn þegar hann er settur upp með útifestingunni og er stýrður í gegnum UniFi Network hugbúnaðinn, samhliða öðrum UniFi-búnaði.

Helstu eiginleikar:

• WiFi 7 með allt að 4,3 Gbps: 2x2 MU-MIMO á 5 GHz og 2,4 GHz (allt að 688 Mbps) – hraðari og skilvirkari tenging fyrir mörg tæki í einu.
• Langdrægt mesh: Stefnuvirkt 10 dBi loftnet á 5 GHz styrkir þráðlausa tengingu við aðra UniFi access punkta – tilvalið þar sem erfitt er að leggja netsnúru.
• Fyrir inni og úti: IPX6 vatnsvörn og rekstrarhitastig frá -30°C til 60°C, með vegg-, staur- og borðfestingu í kassanum.
• 2,5 GbE tengi og PoE-spennugjafi fylgir: Gögn og rafmagn fara um eina netsnúru, og 2,5 GbE tengið kemur í veg fyrir flöskuháls við hraðvirkan sviss.

2 ÁRA ÁBYRGÐ HJÁ TÖLVUTÆKNI TIL BÆÐI EINSTAKLINGA OG FYRIRTÆKJA

Nánari upplýsingar á heimasíðu Ubiquiti